“Objetivu mak atu labarik sira bele asesu ba edukasaun atu sira iha kreatividade, inovativu no promove kultura lee ba labarik sira iha komunidade nia laran”, dehan Responsável Programa Salvasaun Plan Internasiona, Maria Beatriz, iha Sala Konferénsia MEJD Villaverde, segunda (14/03).
Bibleoteka móvel ne’e Plan Internasional lansa iha tinan 2019, hodi kobre Munisípiu Aileu no Ainaru, ho durasaun funsiona fulan ida dala rua tanba tama liu ba área rural.
Dadaun ne’e, uza ba Bibleoteka Móvel oras rua nia laran sei halibur labarik no inan aman sira kria no konta istória lokál ba labarik sira ne’ebé aprende.
Livru ne'ebé mak iha Biblioteka Móvel ne'e mak livru istória no matéria inklui simulasaun sira, atu tulun labarik sira iha nível ensinu primária.
“Livru sira ne'e, labarik sira asesu gratuita no bele fó empresta ba sira. Livru sira ne'e iha mós materia sira entaun la taka dalan ba profesór sira atu lee. Livru sira ne'e maioria ho lian tetun”, esplika nia.
Ba atividade biblioteka móvel ho fundu rihun-300-resin mai husi Plan Internasional rasik.
“Plan Internasional foka liu ba Munisípiu Aileu no Ainaru, Munisípiu sira seluk ita seidauk implementa tanba ita haree mós ba kondisaun, tempu no distánsia”, informa nia. (*)
