Login to your account

Username *
Password *
Remember Me

Governu Foin 'Hakfodak' Muda Vítima Refuziadu 41 Husi Lona Okos

Vítima refuziadu sira hasa'e hela sasán ba karreta ne’ebé prepara husi Autoridade Munisípiu Dili iha Kampu Real Manleuana, domingu (14/11). Vítima refuziadu sira hasa'e hela sasán ba karreta ne’ebé prepara husi Autoridade Munisípiu Dili iha Kampu Real Manleuana, domingu (14/11). Foto Suplay

Tempotimor (Dili)-Governu liuhusi Ministériu Administrasaun Estatal (MAE) foin hakfodak orienta Autoridade Munisípiu Dili (AMD) atu muda vítima refuziadu haatnulu-resin-ida (41) ne'ebé mak durante ne'e hela ihalona okos durante fulan-8.

Prezidente Autoridade Munisípiu Dili (PAMD), Guilherminha Filomena Saldanha hatete, dadauk sira konsege hasai uluk vítima na’in-6 desloka ba hela kos. 

Tuir planu loron domingu (13/11) ekipa sei kontinua hasai mós vítima hamutuk 35 ne’ebé sei hela iha lona okos.

"Sim, horikalan ami iha ne'e kedas, to'o 10 oras, husi ida ne'e ami konsege hasai uluk família 6, ne’ebé fó prioridade ba inan sira ne’ebé isin-rua no inan ne’ebé iha oan-ki’ik, no família sira ne’ebé idade, e ami konsege hasai, sira-nia sasán mós ami hasai hotu. E agora dadauk ne'e ami mai filafali, orientesaun husi seu ministru katak atu hasai hotu”, dehan nia iha fatin refuziadu Kampu Real Manleuana, domingu (14/11).

Tanba iha ámbitu udan boot ne’ebé mosu iha loron sábadu (13/11), Prezidente Aitoridade Munisípiu, no Diretór Jerál Desentralizasaun Administrativa, inklui Diretó Jerál Administrasaun Finansa simu orientasaun husi Ministru Administrasaun Estatál atu muda vítima refuziadu sira ba fatin protezidu. 

"Husi ida ne'e mak ami konsege hasai, e totál família na'in-6 ne’ebé hasai ona, rua lori ba koos iha Lisbuta, no haat lori ba koos iha Lemo-Kari”, esplika nia.

Dadauk lista kona-ba vítima sira ne'e iha ona autoridade Munisípiu Dili nia liman, maibé ida ne'e sei implementa iha etapa daruak nian, tanba etapa agora mak oinsá atu proteze vítima deslokadu sira.

"Etapa agora mai oinsá atu proteze ita-nia deslokadu sira ne’ebé hela iha ne'e hamutuk 41, no sai tiha na’in-6 siknifika hela na'in-35, e Lori sira ba tau iha kos ne’ebé mak altura identifika ona, entaun ita ba tau sira provizóriu iha ne'eba para label hetan filafali inundasaun hanesan horiseik ne'e”, afirma nia.

Vítima Refuziadu, José Suni Colo hatete, nia parte aseita desizaun Ministériu Administrasaun Estatal no autoridade Munisípiu Dili, atu ba hela kos, tanba durante hela iha lona okos, sente rai manas nomós bainhira udan sempre hamosu inundasaun.

"Ha’u ho família na’in-7, durante ami hela iha ne'e ha’u sente di'ak, maibé kuandu udan sempre iha problema be naliun”, dehan nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter