Login to your account

Username *
Password *
Remember Me

PAM Dili sei la Apoiu Nesesidade Bázika ba Vítima Insendiu iha Merkadu Taibessi

Insendiu ne’ebe akontese iha Merkadu Taibessi, tersa (10/01). Insendiu ne’ebe akontese iha Merkadu Taibessi, tersa (10/01). Foto Tempo Timor

Tempotimor (Dili)-Prezidente Autoridade Munisípiu Dili, Guilhermina Filomena Saldanha Ribeiro hatete, sei la apoiu nesesidade bázika ba vítima insendiu iha Merkadu Taibessi, maibé sei fahe de’it hahan ba sira husi dader, meudia no kalan, durante loron tolu nia laran.

"Agora ita tenke haree atu fo hahán ne'e halo nusá, sira hela iha ne'e mak ahi han sira nia uma ka, tanba ne'e ita sei identifika sira hela iha ne'ebé, tanba markadu ne'e la'ós fatin atu hela, mais se karik autoridade sira atu fó hahán, ami sei fo hahán durante loron tolu, iha dader, meudia no kalan", dehan nia iha fatin inssndiu Merkadu Taibessi, tersa (10/01).

Estadu sei sei la fó material ba sira, atu hadi’a infraestrutura ne'ebé estraga, tanba governu iha ona planu atu hadi’a iha tempu tuir mai, nune’e ekipa tekniku sira sei halo levantamentu dadus ba vítima insendiu iha Merkadu Taibessi.

"Maibé parte kompetente ne'ebé atu fó apoiu hanesan konsulta labarik ki'ik sira atu haree sira nia saúde, tanba dalaruma sira afeita ba trauma ruma inklui mós afeita ba sira nia mentalidade, nune'e apoiu seluk governu halo mak parte téknikamente oinsá atu halo manutensaun ba fatin sira ne'ebé hala'o sira nia atividade hanesan vendedor", nia dehan.

Alende ne'e, ekipa sei halo investigasaun ba kauza insendiu iha Merkadu Taibessi, tanba fatin refere insendiu akontese dala haat ona.

"Enkuantu investigasaun seidauk halo, ha'u labele ko'alia katak insendiu ne'e mai husi rezultadu ida ne'ebé", nia hatutan.

Nune'e, Prezidente Autoridade mós rekoñese merkadu Taibessi dezorganizadu, tanba ne'e mak kauza ba insendiu, maibé hein rezultadu husi investigasaun mak bele identifika ninia motivu.

Insendiu iha Merkadu Taibessi, vendedor hamutuk uma-kain 22, ne’ebé kompostu husi família 99,  Mane na’in 49 no Feto ema na'in 50.

Insediu ne’e, akontese iha loron tersa 10 fulan-janeiru tinan 2023, meudia purvolta tuku ida ho balun. (*)

 

Rate this item
(0 votes)
Last modified on Tuesday, 10 January 2023 18:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter