Tanba, mate isin balun ne’ebé rai hakoi seidauk hetan to’o agora, maske iha balun ne’ebé hetan ona.
"Presiza tun ba hare preokupasaun husi familia vitima sirs, at liu tan Governu la fo ekipamentu hodi bele ajuda buka vitima sira ne'ebe rai hakoi to'o agora, la'os iha dili de'it maibe mos iha munisipiu seluk”, dehan nia iha PN, tersa (20/04).
Ho ida ne'e, rekomenda ba Vise Primeiru Ministra hanesan Ministra ba solidaridade sosial Inkluzaun, presiza tun ba terenu hodi rona no haree direta ba preokupasaun família vítima nian.
Hatan ba kestaun ne'e, Vise Primeira Ministra (VPM), Armanda Berta deklara, pozisaun governu sempre esforsu nafatin liuhusi liña ministrrial sira hotu atu ajuda família buka mate isin.
"Inundasaun ida foin lalais iha 4 abril, ne'e hamate ita nia ema 42, e balun ita seidauk hetan, maibé governu sei esforsu nafatin para bele buka ita-nia ema sira ne'ebe mak seidauk hetan”, dehan nia iha PN, kuarta (21/04).
Maibé, governu sei halo esforsu atubele haree nafatin, tau matan mós ba sira ne’ebé refujiadu iha fatin evakusaun.(*)