Maske komunidade halerik iha tinan barak nia laran, maibé governu to’o agora seidauk bele rezolve problema bee-mos iha área refere.
Alfredo Cardoso nu’udar komunidade ne'ebé hela iha Taibesi Temporal, durante ne’e sosa de’it bee-mos ho presisi US$30 kada semna.
"Maromak ne'e, Bee iha Taibesi Temporal ne'e laiha liu, hola de'it to'o tinan lima ona", dehan komunidade Afredo ba Joranlista www.tempotimor.com iha Merkadu Taibesi, sábadu (17/04)
Ho problema ne’ebé hasoru durante ne’e seidauk iha resposta sa tan ho situasaun Covid-19 ne'ebe husu populasaun fase liman mas bee la iha.
“Tinan lima ona bee la mai liu, Rai mak hakoi ne'e ha'u la bosok, ha'u katuas veteranus no katuas ona, ha'u la bosok ita", Afredo hatete.
Maske, preokupasaun ne'e hato'o ona ba Administradór munisípiu Dili maibé, Administradór rasik la ko'alia sai.
"Ha'u dehan, o (Administradór) dehan fase liman, fase liman, maibé bee laiha, ami Lori saida mak fase liman", informa Nia ho oin triste.(*)