"Parlamentu Nasional fraku. Tanba saida? Uluk demonstrasaun mosu dehan dada fila-fali desizaun. Hau maka Prezidente Parlamentu Nasional hau la dada", dehan nia, iha Palasiu Prezidensial, Bairru-Pite, Kuarta (21/11).

PN nu'udar orgaun soberanu tenke koloka ninia aan. Labele monu tuir presaun sira ne'e, se lae orgaun soberanu laiha folin.

Lere hatutan, sira ne'ebe agora tuur iha Parlamentu Nasional dala ruma mos iha uluk iha manifestasaun sira nia-kotuk, maibe agora tuur hakmatek iha Uma Fukun.

Tuir eis-gerrileiru ne'e, uniku prosesu dialogu entre Parlamentu Nasional ho universitariu sira hodi kria estabilidade no evita dudu instituisaun seluk halo fali krime.

Nia mos apela ba PN no manifestante sira atu pasiensia no uza intelektualidade hodi solusiona problema ne'e liu husi dalan pasifika.