Login to your account

Username *
Password *
Remember Me

Trajedia Kuluhun : PR Lu Olo Kondena Atitude Membru PNTL Featured

Prezidente Repúblika, Francisco Guterres 'Lu Olo', kondena makaas atitude membru Polisia Nasional Timor-Leste (PNTL) ne’ebé uza kilat hodi hasai joven inosente na’in tolu nia vida no hakanek na’in lima.

Xefe Estadu husu atu halo investigasaun klean kona-ba akontesimentu ne’e no prosesa lalais autor sira ba Tribunál atu foti desizaun.

PNTL nu’udar instituisaun Estadu ne’ebé tau matan ba seguransa Nasaun, tenke hatuur aas Lei no Ordem Públika.

Membru PNTL labele uza kilat tuir sira-nia hakarak maibé tuir lei no regra polísia nian. Tenke hatene sira-nia responsabilidade bainhira hala’o servisu, nu’udar ajente ho kilat.

"Ita hothotu tenke kumpre lei sira ne’ebe ita-nia Estadu hatuur ona", dehan PR Lu Olo liu husi nia mensajen ba trajedia Kuluhun.

Tuir lei haruka, ema sira ne’ebé viola lei, sei la sees husi responsabilidade no Justisa.

Nune'e, Xefe Estadu mos apela nafatin ba povu tomak atu kontinua fo konfiansa ba PNTL nu’udar instituisaun ho knaar atu mantein Lei no Ordem Públika.

Xefe Estadu husu ba ema hotu-hotu atu servisu hamutuk atu hametin pás no estabilidade tanba pás no estabilidade mak folin aas tebtebes ba Nasaun ne'e.

"Povu presiza fó liman nafatin ba ita-nia PNTL nu’udar forsa seguransa ba manuntensaun Lei no Ordem públika", tenik nia.

Atu hetan konfiansa husi Povu, PNTL mos tenke sai instituisaun profisionál.

Rate this item
(1 Vote)
Last modified on Tuesday, 20 November 2018 17:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter