Korente Mota Masin 'Sobu Estraga'Sinais Fronteira TL-RI

Membru Unidade Polisia Fronteira sira hare hela sinais Fronteira ne'ebe mota sobu latan hela iha mota masin suai, Kinta (18/2) Membru Unidade Polisia Fronteira sira hare hela sinais Fronteira ne'ebe mota sobu latan hela iha mota masin suai, Kinta (18/2) Foto Tempo Timor

Tempotimor (Covalima)-Sinais ne'ebé tau iha fronteira entre Timor-Leste no Repúblika Indonézia hahú hetan estragu tanba korente husi mota masin, Suai ne'ebé maka-as.

Situasaun real ne'ebé akontese iha terenu katak, sinais sira ne'ebé hatudu pontu fronteira entre rai rua ne'e hahú lakon, liu-liu iha fronteira postu integrado Salele no fonteira postu Fatululik.

Tuir Primieru Sarjentu Unidade Polísia Fronteira (UPF) postu integrado Salele Helio da Cruz katak, pilar iha fonteira hamutuk tolu mak lakon ona, pilar rua lakon iha parte tasi ibun no pilar ida seluk lakon iha fonteira postu Fatululik nian.

"Pilar iha fronteira hahú husi ponte postu integradu fronteira Salele mai área tasi ibun, hamutuk pilar neen no husi numeru refere, rua mak lakon ona, ida monu iha postu Fatululik, maibé hira mak mota lori ona, komandante mak bele esplika klaru," dehan Primeiru Sarjentu Helio ba www.tempotimor.com iha nia servisu fatin, Salele, Kinta (18/02).

Nia afirma, problema konq-ba pilar monu no lakon ne'e, parte UPF informa ona ba Komandu Jerál, maibé to'o agora laiha resposta ruma.

"To'o agora laiha resposta ne'e dalaruma governu laiha osan atu atende kona-ba pilar iha área fronteira entre Timor-Leste ho Indonesia nian," Katak Helio.

Entertantu observasaun www.tempotimor.com iha terrenu nota katak pilar tolu ne'ebé korente mota sobu, tama mai área TL kuaze metru 15, nune'é bele hamosu mudansa ba fronteira, Tamba laiha muru protesaun, mais Indonézia nian iha ona bareira ne'ebé satan netik bee, kuandu udan boot.(*)

Rate this item
(0 votes)
Last modified on Tuesday, 23 February 2021 13:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks