Liga ba kondisaun ne'e, motorista Aso da Costa (32) espresa nia sentimentu triste, tanba dalan ne'e úniku hodi ema hotu liu, tantu la'o ain nonuza transporte.

"Ha'u sente triste tebes ho kondisaun estrada liga ho ponte ne'e, karik udan aumenta bei-beik, mota tun maka'as maka lori hotu ponte ne'e, entaun ami araska ona atu halo viajen ba mai, ne'ebe se bele tempu badak parte relevante sira liu-liu hanesan Ministériu Obras Publika (MOP) bele hadi'a iha tempu badak," dehan Asa ba www.tempotimor.com iha Beco, Kinta (18/2).

Iha sorin seluk xefe suku Beco Arlindo Bernardino Lemos (29) dehan, relasiona ho moras Covid-19 ne'ebé dadaun ne'e Covalima iha hela Serka Sanitária mak ponte ne'e kotu, sei fórisku tebes ba komunidade sira.

"Karik ponte ne'e kotu, fó risku tebes ba komunidde sira, tanba komunidade barak mak fa'an iha merkadu Zumalai no husi postu Zumalai mai merkadu Suai mak liu husi ponte ne'e no dalan ida ne'e públiku. Entaun husu ba parte relevante liu-liu MOP, labele hein karta ruma husi autoridade lokál, maibé presiza fó atensaun urjénte tanba dalan ne'e ema hotu liu," katak Nia.

Xefe suku ne'e akresenta, governu tenke buka meius para rezolve no hadi'a ponte ne'e iha tempu badak, tanba relasiona ho estadu emerjénsia ne'e komunidade barak mak persiza ba merkadu sosa foos no buat seluk tan," Nia esplika.

Entertantu observasaun www.tempotimor.com iha terrenu nota katak, estrade ne'ebé liga ba ponte Lo'omea pelumenus hela metru tolu ho balun ne'ebé sei bele utiliza, maibé situasaun udan ne'ebé kontinua, mak se8 labele garante ba tempu naruk.

Entretantu, to'o informasaun ne'e www.tempotimor.com seidauk komfirma ho Obras Publiku Munisipiu Covalima.(*)