Tempotimor (Dili)-Deputada bankada CNRT Carmelita Monis husu governu atu aprezenta sasan ka fasilidade ne'ebe uza ba sala kuarantena no sala izolamentu, tanba foin lalais Ministeriu Saude (MS) dehan aloka ona osan tokon $.5 ba United Nations Development Programme (UNDP) atu sosa fasilidade.

Tempotimor (Dili)-Komunidade balun ne’ebé hela besik fatin izolamentu pasiente Covid-19 iha Vera Kruz iha oportunidade balun ba halimar iha fatin izolamentu ne’e nia oin. Situasaun ida ne’e hamosu preokupasaun husi ministériu saúde.

Tempotimor (Dili) - Fundasaun Alibaba liuhusi Repúblika Populár Xina no Organizasaun Mundiál ba Saúde (OMS) apoiu tan maskára N95 ho totál 10.800 no maskára serurjika hamutuk 60.000 ba Ministériu Saúde (MS) Timor Leste, relasiona ho surtu Coronavirus Disease 2019 (Covid-19).

Tempotimor (Díli)- Ministra Saúde (MS), Odete Maria Freitas Belo deklara, sei buka solusaun, kona-bá subsídiu liña oin (frontline) sira, hanesan pesoál limpeza (cleaner) inklui seguransa husi kompañia sira ne'ebé mak hala'o servisu, iha kuarentena durante implementasun estadu emerjénsia.

Atu rezolve subsídiu ne'e, Odete hatete, agora dadaun, sei hala'o hela diskusaun, hafoin sei halo mos koordenasaun ho Ministériu Finansas, oinsá mak bele buka solusaun, hodi halo pagamentu.

Nia akresenta, tanba iha dekretu lei Governu nian, la ko'alia klaru, kona-bá subsídiu ba pesoal seguransa sira, tanba ne'e, iha tempu besik sei konvoka enkontru ka reuniaun, atu bele rezolve kestaun ne'e.

"Loron hirak liu ba, ami halo diskusaun ho señor Ministru Finansas, atu haree oinsá mak, atu bele selu pesoál sira ne'ebe servisu hanesan pesoál limpeza (Cleaner)," Dehan nia.

"Nune'e mos, ba seguransa ne'ebé mak kontratu ho sira nia kompañia, maske la iha kontratu legál ho Ministériu Saúde, maibé sira mos eziji Ministériu Saúde, atu bele selu subsídiu ida ne'e, só ke la ko'alia klaru, iha lei kona-bá asuntu ida ne'e, entaun Prezidente atu ko'alia fali ho Ministériu Finansas," dehan Ministra Odete, bainhira halo intervensaun, iha debate konfirmasaun votus, ba deklarasaun estadu emerjénsia ne'ebe hala'o, liu husi plenária estraordinária iha PN, tersa (11/8).

Nia dehan, subsídiu liña frente ba pesoál funsionáriu balun, ne'ebé la selu kompletu, ida ne'e, tanba liga ho lista prezensa liga mos ho kategoria ne'ebé aplika, tuir rezolusaun Governu nian.

Maibé tuir nia, pesoál balun ne'ebé iha kategoria loos ona, no iha kategóriu 3, ne'ebé iha diretu ba $.15. sira mos hakarak ba iha $.20 no $.25.

Ne'e duni, prosesu sira ne'e hamutuk, parte MS mos, halo verifikasun no husu justifikasaun molok halo pagamentu.

"Prontu servisu, ida ne'e ami halo tiha ona, no ami hasai tiha ona karta, enkontru, data limite ne'ebé mak ami fó ba sira, atu submete verifikasaun sira ne'e, mak 5 de Agostu, ne'e sira tenke fó hotu ona dokumentu sira, mai para halo prosesu pagamentu,"

Iha fatin hanesan, Ministru Finansa (MF), Fenando Hanjam deklara, husi sira ne'ebé, agora dadaun, hala'o hela prosesu pagamentu subsídiu liña oin (frontline), no tempu badak, sei finaliza prosesu refere.

Nia dehan, funsionáriu balun ne'ebé servisu, iha liña frente, balun simu ona subsídiu, agora balun iha hela prosesu, no balun presiza entrega sira nia rejime legál, foin bele halo pagamentu.

"Maibé, buat hirak ne'e sei iha prosesu hotu nia laran, tempu badak ita sei halo sira nia pagamentu hotu, "dehan nia.

Temotimor (Díli)- Parlamentu Nasionál (PN) desidi, halo ona votus konfirmasaun ba deklarasaun estadu emerjénsia dahaat ho rezultadu votasaun a favor 40 kontra 0 no abstensaun 17. Votus abstensaun ne’e, ezerse hosi Bankada CNRT.

Tempotimor (Díli)- Primeiru Ministru (PM), Taur Matan Ruak, louva Prezidente partidu CNRT, ne'ebé apoia Governu, atu implementa estadu emejénsia, atu bele salva Timor-Leste, husi moras Corona Virus Desiase (Covid-19), maibé, bankada CNRT, iha Parlamentu Nasionál, hamosu ideia ne'ebé kontradisaun katak, la presiza estadu emejénsia, tanba iha dalan seluk atu halo prevensaun.

Tempotimor (Dili) - Maski rejista tan ona kazu moras Coronavirus Disease (Covid-19) ida iha rai laran, maibé tuir regra Konvensaun Viena ne'ebé la autoriza atu halo teste ba embaixadór hotu-hotu, kuandu sira lakohi atu teste.

Tempotimor (Díli)- Primeiru Ministru (PM), Taur Matan Ruak husu ba povu, iha teritóriu timor laran tomak, atu kontinua kontribui ba prevensaun no kombate pandemia Covid-19.

Tempotimor (Dili)-Tuir planu, iha Kuarta (12/08), aban, Konsellu Ministru sei deskuti rezolusaun ba legalidade subsidiu frontline jornalista sira.

Tempotimor (Dili)-Deputada Bankada CNRT Virgina Ana Belo konsidera Ministériu Saúde halimar ho ema nia saúde tanba hafoin deklara ema ida pozitivu Covid-19, maibé ikus mai dehan fali katak pasiente refere negativu ona.