Atu pandemia covid-19, labele hadaet, Xefe Governu akresenta, regras ba prevensaun nian, Ministeriu Saúde fó sai ona, hanesan fase liman, uza maskara, inklui distánsia sosiál, ida ne'e importante tebes, ba sidadaun tomak atu nafatin kumpri.
"Ha'u hakarak husu ba povu tomak, tantu ferik no katuas, juventude ka foin sae sira, matenek ka beik, atu nafatin mantein regras ne'ebé Ministériu Saúde fó sai ba ita hotu, atu bele prevene ka evita moras aat pandemia Covid-19 ida ne'e," dehan Primeiru Ministru (PM), Taur Matan Ruak, iha debate konfirmasaun deklarasaun estadu emerjénsia, liu husi plenária, Parlamentu Nasional (PN), tersa (11/8).
Aleinde PM taur mos apresia, ho deputadu sira nia pasiénsia tomak, maske iha tempu ne'ebé feriadu, maibé deputadu sira, nafatin hamutuk hodi atende Governu nia preokupasaun, kona-bá estadu emerjénsia.
Xefe Governu ne'e promete, sei kumpri ezijénsia ne'ebé deputadu sira levanta, kona-bá Governu nia preparasaun, ba estadu emerjénsia faze dahaat, iha Timor-Leste.
