Login to your account

Username *
Password *
Remember Me

Arlindo Dezafia Foinsa’e Sira Transforma Lixu Plástiku ba Produtu Foun

Xefe Departamentu Arlindo Marcal Xefe Departamentu Arlindo Marcal Foto Tempo Timor

Tempotimor (Baukau)-Xefe Departementu Planu Jestaun Ambientál (PJA), Arlindo Silveira, dezafia foinsa’e sira atu promove lixu plástiku sai produtu ne’ebé bele utiliza, tanba iha nasaun seluk lixu plástiku ema transforma sai produtu foun.

"Alin sira bainhira ita iha komitmentu atu muda sasán lixu sira ne'e sai fali sasán ne’ebé iha valór ne’e importante, tanba iha nasaun seluk lixu sira hanesan plástiku sira ne’e halo filafali sai materiál foun hanesan, balde, bikan no seluk tan”, dehan Arlindo iha nia rezidénsia Edukasaun Munisípiu Baukau, tersa (19/10).

Tanba Timor-Leste seidauk implementa, maibé nafatin dezafia ba foinsa’e sira, lalika haree de'it ema seluk, mas kapasidade ne’ebé iha aplika hodi muda sasán lixu plástiku sira ne'e sai materiál foun.

Alende ne’e, diresaun nasionál kontrolu ambiente halo koopersaun servisu hamutuk ho ajénsia sira maske la direita, maibé iha tinan 2018 komesa la'o ona kona-ba oinsá jere lixu plástiku sira.

"Atividade ne’e iha profesór balun hamutuk ho nia estudante sira la'o tiha ona, oinsa jere lixu plástiku ne'e”, afirma nia.

Haree ba lixu plástiku susar tebes atu dodok no lahok, tanba bele lori tinan atus, bainhira tama ona iha rai laran bele fó impaktu negativu ba ambiente no sei halo rai bokur sai krekas inklui hamosu poluisaun ba rai no bee.

Husu ba foinsa’e sira ne'ebé servisu hamutuk sentru informasaun edukasaun ambientál atu hadi’a di'ak liután, nune’e ba futuru lixu plástiku labele konsidera hanesan lixu at, maibé konsidera lixu plástiku ne'e mós iha valór ekonómiku. (*)

Rate this item
(0 votes)
Last modified on Tuesday, 19 October 2021 12:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter