"Iha ha'u-nia xefe suku, ha'u nu'udar lideransa ba suku ida ne'e dezafiu ne'ebé ha'u hasoru mak fasilidade, se bainhira, manda ho eletrónika laiha tanba ami-nia sasán laiha agora ami uza hela mesin ketik manuál," dehan Juliana Imaculada ba www.tempotimor.com iha Sede Suku Manukasa, sábadu (15/01).
Bainhira halo komunidade nia deklarasaun ruma ne'ebé mak urjente xefe suku, hakerek deklrasaun ho liman.
"Deklarasaun ne'ebé asesu ba ami-nia komunidade atu asesu ba sira-nia dokumentu legál ruma, ami hakerek ho liman de'it, maibé to'o agora ami seidauk iha sasán eletrónika ida”, afirma nia.
Iha suku refere mós iha dezafiu boot ida ne'ebé hasoru mak kona-ba bee-moos tanba to'o agora komunidade sira la asesu ba bee-moos kauzahusi kanu feruzen.
"Até a data ami-nia suku de'it mós Casa de banho mós laiha bee-moos, tanba kanalizasaun kanubesi ferujen hotu, entaun bee la to'o ba komunidade sira”, aprezenta nia.
Tanba ne'e nia parte mós rekomenda ba Governu sentrál ka rejiaun bele instala fali kanu foun hodi komunidade sira bele asesu ba bee-moos.
"Kona-ba estrada de'it seidauk ami komunidade ami mobiliza hodi taka estrada ku'ak ho osan ida postu nian entaun taka estrada ku'ak sira ne'ebé remata ona maibé kontinua ku'ak”, dehan nia.
Tanba estrada ho kondisaun la di'ak difikulta komunidade sira-nia produtu lokál lori ba merkadu hodi fa’an.
Suku Manuasa iha aldeia rua, hanesan Manutai ho nia komunidade 60 seidauk asesu eletrisidade no estrada inklui bee-moos no aldeia Fatumarí asesu ona estrada ho kondisaun kontinua aat. (*)