"PSHT iha ona lisensa nu’udar firme no aktu legál publika ona iha Jornal Repúblika iha semana kotuk. IKS-PTL sei hela iha prosesu kompletária ba dokumentu sira ne’ebé tenke kompleta husi organizasaun IKS-PTL. KORK iha ona lisensa nu’udar firma no aktu legál maibé seidauk publika iha Jornal Repúblika, espera iha fulan ne’e ka fulan oin sira bele publika sai ona sira-nia lisensa iha jornal republika atu sira hetan ona presimentu legal no sir abele hala’o ona sira-nia atividade prátika Arte Marsiál”, deklara Prezidente KRAM Teófilo, iha salaun Laline Larigutu, CNE, Kolmera, segunda (21/02).
Maibé KRAM mós sei bazeia ba lei númeru 5.2019 artigu 9 kona-ba kompeténsia propiu KRAM ninia katak, KRAM mak bele fó autorizasaun ka lisensiamentu ba atividade Arte Marsiál iha teritóriu Timor laran tomak.
Tanba Sekretáriu Estadu Joventude no Desportu (SEJD) liuhusi Komisaun Reguladór Arte Marsiál (KRAM) iha fulan-marsu tinan 2020 hafoin Konsellu Ministru liuhusi VIII Governu ne'ebé lidera husi Primeiru Ministru, Taur Matan Ruak deside fó hasai rezolusaun númeru 4/2020, atu revoga fali Rezolusaun Númeru 16/2013 kona-ba sansaun Grupu Arte Marsiál.
Rezolusaun ne'e, atu orienta nafatin Komandu Polísia Nasionál Timor-Leste (PNTL) halo intensifikasaun servisu sira ne'ebé ba prátika elesita sira ne'ebé Arte Marsiál sira hala'o.
Iha rezolusaun ne'e fó orientasaun ba KRAM atu hatur prosedimentu administrativu ba prosesu re-rejistu, re-atualizadu no re-organizasaun ba Arte Marsiál iha territóriu Timor laran tomak liliu sira ne'ebé naran temi iha rezolusaun númeru 4/2020 mak hanesan PSHT, KORKA no IKS.
Tamba ne'e, mak iha tinan 2021, KRAM liuhusi orientasaun SEJD hahú prosesu administrativu liuhusi primeira diretivu KRAM kona-ba kritériu prosesu rejistu Grupu Arte Marsiál nian.
“Lori tinan ida organizasaun Arte marsiál 3 ne'ebé mak temi iha rezolusaun ne'e, priense kritériu sanulu-resin-ualu ne'e no dadaun ne'e organizasaun sira ne'e rejistu ona iha Ministériu Justisa, Diresaun Jerál Servisu Notariadu”, informa nia.
Nune'e iha fulan-marsu KRAM sei hasai filafali segundu diretiva ba delegasaun kompeténsia sira ba sub-KRAM iha nível munisípiu sira atu kontrolu atividade organizasaun Arte Marsiál sira hala'o.
Enkuatu KRAM halo ona kooperasaun ho PNTL kontinua desemina lei númeru 5/2017, nomós halo diálogu entre komunidade no joven sira.
Kooperasaun ho Ministériu Interior, diresaun prevensaun konflitu komunitária hamutuk ho organizasaun sosiedade sivíl sira atu kontinua fó informasaun ba sosiedade tomak liliu Grupu Arte Marsiál sira atu kontribui ba paz no estabilidade iha eleisaun prezidente no eleisaun parlamentar. (*)