“Ami husu liliu ba na’i-ulun ka nai veteranu sira ne'ebé subar hela iha Salau atu fó liman no tau hanoin hamutuk atu lori nasaun ne'e la'o ho di’ak”, informa nia hafoin sorumutu ho Prezidente Repúblika, Francisco Guterres 'Lú Olo' iha Palásiu Prezidensiál Bairopite, tersa (10/08).
Hanesan Salau oan ne'ebé iha tempu rezistensia asegura FALINTIL sira hanesan juventude foinsa’e ho komemorasaun loron 20 Agostu agora, husu ba luta na’in sira atubele hamutuk nafatin haree dezenvolvimentu nasaun nia iha futuru.
Tanba sente ladun kontente wainhira haree lideransa sira agora la fó liman ba malu hanesan jerasaun foun sente triste.
“Ami ezije tebes atu maun sira fó liman ba malu atu lori rai ne'e ba oin”, reafirma nia. (*)