Maske Timor Leste deklara Estadu Emerjensia maibe Timoroan barak sei tama sai lraiketan iliu husi 'jalan Tikus'.
Xefe Suku Colmera, Arménio Aleixo da Silva informa, sidadaun sira ne'e bá Indonésia la iha koñesimentu husi autoridade lokál, tanba ne'e, ohin parte PNTL mai kaptura, atu investiga no kumpri kuarentena.
"Ohin seguransa sira iha ne'e, tanba informasaun tama iha kaza militar katak, iha ha'u nia joven sira, iha Colmera sai ba liur fila-fali mai ilegál, ne'e mak sira mai no ohin klaru identifika ema iha ne'e duni, hamutuk nain 14", informa Xefe Suku Colmera, iha fatin kaptuarasaun, kurta (09/09).
Nia parte, la hatene joven sira ne'e sai bá nasaun Indonésia, tanba sira bá la iha koñesimentu husi autoridade no ba ilegalmente.
Tuir observasaun jornalista Tempotimor, iha tereñu nota katak, PNTL halo ona kapturasaun ba sidadaun nain 14 ne'ebé ba Indonésia no fila mai ilegalmente.
Molok halo kapturasaun, PNTL halo uluk identifikasaun ba joven sira ne'e, mais ou menus iha tuku 17:10, hafoin iha tuku 18:35 otl, polísia halo kapturasaun ba sidadaun hirak ne'e no dadaun ne'e, ema hirak ne'e seidauk evakua, tanba sei hein parte saúde.
Alende ne'e, parte autoridade lokál ho PNTL halo ona koordenasaun, hodi hein parte saúde, atu desloka ema hirak ne'e, hodi halo investigasaun no kumpri kuarentena durante loron 14 nia laran.