"Ha'u refirma FRETILIN nia apoiu polítika intitusionál tomak ba re-kandidatura ida ne'e, FRETILIN prontu atu tau mákina no meius ne'ebé husi FRETILIN nu'udar parte apoiu, inklui atributu sira hodi garantia apoiu totál apoiu ne'ebé meresidu no nu'udar diretu rasik husi kamarada Lú Olo nian", dehan Adjuntu Sekretáriu Jerál partidu Frente Refolusionáriu Timor-Leste no Independente (FRETILIN), José Reis, iha Parókia Imaculada Conceição Ermera tuan, domingu (16/01).
FRETILIN sei halo esforau tomak hodi halibur kuadru militante FRETILIN sira hotu nia apoiu ida ne'e, hodi hahú movimentu ho dinámika klaru ba intendementu luan liu ho nakloke, inkluzivu hodi loke fatin sira ba konstrusaun plataforma intendementu ida luan liu, inkluzivu liu no ho karater nasionál la hateke ba kór politika partidária husi apoiante ida-idak.
"Ha'u hato'o ba kandidatu Lú Olo, desezu susesu iha servisu pátria no ba povu. Kandidatu Dr. Francisco Guterres 'Lú Olo' ne'ebé apresenta nia kandidatura ho baze valór no prinsipiu sira ne'ebé hun no about ne'ebé uluk fó mahon no kbi’it ba luta. No ohin loron hari’i ponte sira ba unidade ho objetivu ba libertasaun povu nian", hatete nia.
Re-kandidatura ida ne'e mosu ho interese ba "ita-nia povu tomak, no ba reforsu nasaun nia dame no estabilidade". (*)