“Governu iha ninia kbi’it tomak orsamental atubele lori kondusaun ba ita-nia rai ne'e, ninia dezenvolvimentu, maibé osan iha, rekursu iha, apoiu parlamentár iha, polítika iha, ne'ebé laiha razaun atu ita preokupa ho lala'ok dezenvolvimentu nian iha ita-nia rain”, dehan nia liu-husi konferensia Impresnsa hafoin reuniaun Konsellu Ministru iha edifísiu Ministériu Finansas Aitarak-laran, kuarta (24/03).
Tanba ne’e, rezeita públiku ne'ebé kestiona ona katak, orsamentu jerál estádu (OJE) tinan 2021 laiha no Governu labele implementa programa.
"Maibé, iha mós públiku halo propaganda filafila dehan, osan laiha, maibé ne'e lalós, tanba osan iha ne'e mak ita dehan, la presiza (levantamentu), ita presiza ajusta de'it, hodi refleta bá ita nia nesesidade, sé osan laiha, entaun ita tenke halai rekore fali hodi hetan tán reforsu iha ita-ninia kofre estádu”, afirma nia.
Fidélis mós esplika orsamentu iha tinan 2020, seguransa sosiál balun apoiu ba Banku Sentral Timor-Leste (BCTL) hodi implementa satia balun ba apoiu kreditu, maibé iha restu ne'ebé filafali ba kofre estádu, tanba ne'e governu hamosu hanoin ida atu re-aloka fali mai tinan 2021 hodi responde ba nesesidade iha situasaun agora, la'ós foti osan ema ida nian.
"Osan restu iha tinan 2020 nia filafali ona bá kofre Estádu ne'e mak presizamente nia tenki uza ne'e, ita la'os foti ema nia osan, ita la foti sidadaun nia osan, tanba seguransa sosiál ne'e osan sidadaun nian, seguransa sosiál wainhira ita ko'alia kona-bá osan ne'ebé ema ida kontribui bá seguransa sosiál ne'e, osan privadu ema nian", Dehan
Maibé, kapitálizasaun sira governu halo mak rai hela altura ne'ebá, hodi preve pandemia ne’ebé la'ós osan individu nian, osan ida ne'e estádu nian, agora osan ida ne'e bele re-aloka fali hodi kontinua finansia nesesidade imediatu tempu agora nian.
"Iha tinan kotuk, sé ita-boot sira lembra, iha tinan kotuk diskusaun kona-bá seguransa sosiál iha MSSI (Ministériu Solidaridade Sosiál no Inkluzaun), momentu ne'ebá altera osan ba seguransa sosiál, ita mós fó apoiu ba Banku Sentral atu implementa satia balun ba iha apoiu kreditu sira”, fó hanoin. (*)
