Nia dehan, maski sesta bázika ne’e distribuis husi membru governu na’in hitu kedan, maibé distribuisaun ne'e ba de’it suku ida.

Duarte Nunes preokupa ho situasaun ne’e tanba suku ida de’it mak hetan prezensa husi membru governu na’in hitu, ida ne'e hatudu katak, programa ne’e sei benefisia de’it membru governu sira ho perdiem, duké fo benefisiu ba populasaun.

Nia konsidera sesta bazika hanesan buat importante atu fo ba populasaun, maibé la signifika membru governu tenke ba tur iha ne'eba hodi distribui.

Duarte hatutan, sura membru governu de’it mak na’in hitu ona, seidauk sura ho funsionáriu, ne'e duni nia dehan, karik sira hetan perdiem signifika ida ne'e kontribui mal gastu.

"Ne'e foin mak boot sira ne'e, seidauk ba kiik sira ne'e, hotu-hotu tenke hetan benefisiu ka perdiem. Se sira hetan perdiem mós dadus ne'e sei iha, ba gasta saida ba atividade ne'ebe sira halo ne'e, osan saida mak gasta ba mina, no seluk tan," Duarte hateten iha PN, sesta (6/11).

Entretantu, membru governu na’in hitu (7) ne'ebé partisipa iah distribisaun sesta bázika ne’e kompostu husi Sekretáriu Estadu Ambiente (SEA), Ministru Kordenadór Asuntu Ekonómiku (MKAE), Ministru Turizmu Komérsiu

Indústria (MTCI), Vise Ministru Saúde, Sekretáriu Estadu no Peskas, Vise Ministru Komérsiu no Indústria, Ministru Agrikultura no Peskas (MAP).