Molok ne’e, bankada tolu ne’e aprezenta ona rekerimentu destituisaun ba Prezidente Parlamentu Nasionál (PN) Arão Noe, no fó prazu loron lima atu ajenda hodi deskuti no foti desizaun.

Bainhira Prezidente PN ne’e la ajenda, bankada tolu ne’e sei “uza” Vise Prezidente PN hodi ajenda rekerimentu refere.

VIDEO PUBLISIDADE APELU HUSI PM TAUR APLAUS BA FRONT LINE

 

Vise Prezidente Bankada PLP, Francisco de Vasconcelhos hatete, iha Kuarta sei iha ajenda ba rekerimentu destituisaun ba meza PN.

"Aban, Vise Prezidente Parlamentu Nasionál sira iha par ita bele haree ba andamentu sira, ne'ebé Kuarta ita bele tama ona ba mosaun destituisaun nian, ita ba plenária, Kuarta ita sei iha plenária," dehan Vasconcelhos iha PN, Segunda (11/05).

Nia dehan, atu halo ajendamentu ba mosaun destituisaun la presiza liu husi reuniaun lider bankada.

"Deputadu sira iha plenária mak deside, ne'ebé Parlamentu ninian mak ezije, tanba Parlamentu ne'e orgaun koleziál ne'ebé maiória mak deside ka maiória mak manda, ida ne'e mak demokrásia ne'ebé minoria tenke submete ba maiória," nia dehan

Nia dehan, rejimentu PN artigu 14 fó dalan ba vise na'in rua atu lidera bainhira Prezidente PN iha impedimentu ruma.

PUBLISIDADE

"Iimpedimentu mak hanesan moras, ulun moras, nehan moras, tenke hatete, agora balun dehan Prezidente Parlamentu Nasionál mai hela de'it mak la fó ema ida, naaah.. ida ne'e mak la loos ne’e, mai tenke serbisu, la'ós mai tuur iha ita-nia gabinete depois xave tiha odamatan to'o lokraik fila, ne'ebé estadu la'ós hanesan ne'e ida, ne'ebé mai tenke ajenda, ne'ebé Prezidente parlamentu nasionál mai mais laiha justifikasaun entaun Prezidente parlamentu iha impedimentu."

Iha fatin hanesan, Vise Prezidente PN Luis Roberto hatete, aban nu’udar loron ikus ba Prezidente PN atu fó resposta ba mosaun destituisaun ne’ebé bankada 3 aprezenta ona.

"Ohin foin loron haat, aban mak halo loron lima, entaun aban mak ita haree took oinsa Prezidente parlamentu nia resposta ba rekerimentu destituisaun ne'ebé bankada tolu aprezenta ona ba meza Parlamentu Nasionál," dehan Luis.

Antes ne'e iha sede Partidu lideransa Partidu CNRT deklara ofisialmente sai ona husi Koligasaun AMP ne'ebe forma VIII Governu Konstitusional.

 

PUBLISIDADE