Relasiona ho kazu pozitivu ne'ebé aumenta, mak portavoz Sentru Integradu ba Jestaun Krize (SIJK) Doutór Rui Maria de Araujo katak ohin kazu foun na'in na'in tolu.
"Husi horseik to'o mai ohin iha kazu foun tolu, entaun sa'e ona ba na'in ruanulu resin rua," dehan Portavoz SIJK Dr. Rui iha sala situasaun ba jornalista Segunda (20/04)
Eis Ministru saude ne'e afirma, kazu foun sira ne'e mai husi grupu neen, no
"Kazu Konfirmadu no provavel nafatin iha grupu ka klaster neen, entaun sira ne'ebé pozitivu no provavél hamutuk na'in 27 mak iha ona izolamentu Sentru Saúde Vera Cruz," nia dehan
Entretantu sidadaun sira ne'ebé sei iha auto konfinamentu hamutuk 597, suspeitu 327, sira ne'ebé sei hein rezultadu 92 , sira ne'ebé negativu ona 208 , sira ne'ebé provavél 5, konfirmadu pozitivu hamutuk na'in 22.
Entretantu sidadaun sira ne'ebé pozitivu no provavél ne'ebé iha ona izolamentu Vera Cruz mai husi Hotel Katuas, Hotel Lecidere, Hotel Timing, Hotel Novu Orizonte, Hotel Fortuna inklui grupu Profesora Portugal nian.