Diretora Jeral Prestasaun Serbisu Ministériu Saúde (MS) Odete Viegas informa, Timor-oan na'in 52 kompleta ona kuarentina loron 14, nune'e ohin (09/04) fó livre ona ba sira hodi ida-idak bele fila ba uma.
Diretora ne'e hatete, ema na'in 52 ne'e kompostu husi fatin rua, iha Tibar ema na'in 25, mane na'in 19 no feto 6, iha kuarentena Institutu Nasional Administrasaun Publiku (INAP), Tibar, hamutuk na'in 27, mane 17 no feto 10.
Nia husu ba sira ne'ebé livre ona husi kuarentina atu nafatin kopera hodi mantein kumpri regras sira no bainhira hetan sintomas ruma bele kontaktu fila-fali profisionais saude sira liu-husi númeru 119.
Entertantu, sira ne'ebe mak ohin livre ona husi kuarentina antes fila ba uma simu mós sertifikadu rekoñesimentu husi parte saude.