"Sira apoiu Ministériu Saúde la'ós foin primeiravez, sira apoiu tiha ona ita iha tinan hirak liuba iha konstrusaun maternidade iha Aileu e depois sira mós apoiu ai-moruk lumbriga ba labarik sira ne'ebé mak ita fó ba eskola no ohin finalmente sira mós fó apoiu ita 500 kama", dehan Odete Viegas iha Palásiu Sinzas, kuartu (15/09).
Kama ne'ebé mak KOICA ho OMS apoiu mak totál 500 ne'e atu ba tau fatin izolamentu no kuarentena maibé antes ne'e mai uluk 100, no foin mai tan 400 ne'ebé kompostu husi sumasu Lensol no meza.
Ida ne'e fasilita tebes Ministériu Saúde liliu iha izolamentu munisípiu ne'ebé presiza tebes kama, nune'e sei distribui ba Munisípiu lubuk ida, tuir kuantidade ne'ebé hato'o liuhusi pedidu hanesan iha Suai, Likisá no Ermera.
Reprezentante KOICA iha Timor-leste, Eunju Cha hatete, moras pandemia iha mundu hothotu ninian, tan ne'e sira halo kolaborasaun no Sentidu Solidaridade ba malu.
"Koica ho OMS kontete hola parte bele fó apoiu fasilidade izolamentu liuhusi fornese kama ne'ebé distribui ona ba fatin izolamentu no fatin kuarentena sira e Koica mós sei kontinua servisu hamutu ho Governu Timor-Leste ho parseru sira atu nafatin fó apoiu ba sidadaun iha Timor-Leste liuhusi Ministéiru Saúde iha área ne'ebé mak sira presiza", dehan nia. (*)