"Ha'u apela tan dala ida ba lider no intelektuál sira. Nusa mak uluk gerrileiru sira bele sakrifika nia aan, ita ohin loron labele sakrifika ita-nia interese," dehan nia, iha Palásiu Prezidensiál, Bairru-Pité, Kuarta (11/3)
Lere hateten, bainhira hamutuk ho maluk gerrileiru sira hanoin fali luta no terus durante tinan 24 iha ai-laran sente fuan kanek ho impase polítika ne'e akontese.
Jenerál afirma, uluk Timor fahe ba rua lakohi ukun aan no autonomia, entertantu agora fahe ba barak tanba partidu polítiku ne'ebé barak.
Entertantu, soru-mutu entre Xefe Estadu Maiór Jenerál FALINTIL-FDTL, Majór Jenerál Lere Anan Timur ho Prezidente Repúblika, Francisco Guterres Lú Olo, hanesan ajenda rotina hodi informa mezmu situasaun seguransa no defeza. (*)