Ministru Obras Públika, Salvador Pires hatete, orsamentu ne'ebé ho montante tokon $147 ba eletrisidade iha tinan 2020 no mós atu selu dívida sira ne'ebe mai husi governu anteriór.
"Divida ne'e mai husi governu anteriór, re-orsamenta depois gastu ba duadesimal sira, entaun iha 2019 re-orsamenta fali redús tiha ona", dehan nia, iha Edifísiu Diresaun Nasionál Peskiza, Kaikoli, Tersa (14/1).
Nia espera, ba tinan oin depois fulan tolu aprova OJE bele selu hotu ona dívida sira ne'ebé iha.
Nia subliña, dívida sira ne'ebe iha Ministériu Obras Públika (MOP) kuaze tokon $25.
Maski alokasaun orsamentu ba setór eletrisidade boot, maibé iha territóriu Timor-Leste tomak ahi sei kontinua mate-moris.