Serimónia ne’e, realiza iha loron sexta (9 fulan-dezembru tinan 2022), iha salaun Diresaun Nasionál Empregu Exteriór Bekora.
Diretór Diresaun Nasionál Empregu Exteriór, Filomeno Soares, hatete, serimónia despedida no asina deklasaun hanesan konkordansia ne’ebé halo husi família traballadór katak, aseita ita nia oan, fen, ka la’en atu ba servisu iha Australia la’os governu mak obriga, nune’e mosu problema ruma parte rua iha hotu responsabilidade hodi rezolve.
Tanba, prorgama haruka traballadór ba servsisu iha rai-liur, atu bele halo kontenti família, la’os atu halo família fahe malu, tanba ne’e husu ba traballadór sira ba servisu kontaktu nafatin ho família, no família sira iha Timor labele halo problema hodi prezudika sira nia servisu.
Nune’e, apela ba traballadór sira ba servisu atu bele hetan esperensia foun no menan ema nia osan, tanba ne’e, husu atu labele halai ses husi sistema, hatudu komportamentu ne’ebé di’ak, servisu rai osan hodi fila mai bele hadi’a ekonómia família no hasa’e kresimentu ekonomia nasaun.
Traballadór timoroan hamutuk na’in-107 ne’e sei ba servisu iha kompaña-5, ne’ebé kompostu husi ema na’in-33 ba servisu ho kompaña Madec ka Nora Valley, 50 ba Tasmanian Berries, 6 ba Mountford Barries, 10 ba Madec ka Bonaccord no 8 ba Cutri Fruits. (*)