Tanba ne'e, mesmu alokasaun Proposta OJE 2023 ba Ministériu Asuntu Parlamentar no Komunikasaun Sosiál ho de'it millaun US$8 ne'e menus oituan kompara ho tinan 2022 nian ne'ebé hetan alokasaun ho montante liu millaun US$9-resin.
Maibé, ida-ne'e sei laiha duvida, tanba atu husu tán osan adisional ne'e tenke sukat mos ho kbi'it no kapasidade ne'ebé iha, tanba lakohi husu osan barak depois ezekuta la hotu.
"Ba tinan ne'e, ha'u hanoin katak, ami nia osan ne'e kala oituan de'it, horbainhira iha tinan kotuk ami iha millaun US$9-resin mais agora ba tinan ida-ne'e ami iha millaun US$8, ha'u lakohi husu tán osan (adisional), tanba tenke sukat ami-nia kbi'it atu ezekuta lakohi husu osan bara-barak depois mai tau de'it mos ladun di'ak," dehan Ministru Jerónimo ba www.tempotimor.com iha Gabinete MAPKomS, Palasiu Governu, tersa (11/10).
Purtantu husi total orsamentu millaun US$8 ne'ebe aloka ba MAPKOMS ne’e, inklui mos ho ajensia Tatoli no RTTL.ep nomos konstrusaun ba tore sira iha munisípiu.
"Ne'ebe ami-nia osan mós la bo'ot ida, mais orsida mak ha'u sei ba hatan iha Parlamentu Nasionál," nia hatete. (*)