“Parese ita-boot sira mídia hatene tanba ha’u sei mai ativu iha ne'e dia 1, hanesan asesór prinsipal ba Prezidente. Entaun ba oin mídia sira hasoru ha'u karik la’ós ona diretór ba AHMDTL maibé sei mai hamutuk ho Prezidente durante tinan lima sai asesór prinsipál ba asuntu sosiál”, dehan Diretór Esekutivu AHDMTL, Gaspar Afonso, hafoin audénsia ho PR Horta iha Palásiu Prezidensiál Bairopite, segunda (30/05).
Tanba oportunidade ne'e foin ba dahuluk akontese iha mandatu Prezidente Repúblika, José Ramos Horta nian, bazeia ba artigu 22, inklui artigu 16 alinea 2, ne'e duni AHDMTL agradese ba ida ne'e.
“Ne'e orgullu e agradese maske eskola seidauk hotu mais prezidente bolu ona ha’u mai asesór”, afirma nia.
Prezidente Repúblika fó servidor ida ne'e ba nia la'ós tanba haree ba kapasidade maibé tanba haree na ema ho defisiensia sira 38.118 sira-nia lian.
Tanba ema ho defisiensia ne'e ema iha kapasidade no iha abilidade só ke laiha oportunidade entaun sira labele halo buat ida.
Entaun ema ho defisiensia hamutuk 38.118 ne'e la'ós ema oituan, no la'ós de'it simu kariedade husi ukun na'in sira maibé mós tenke iha oportunidade servisu ruma ba sira.
Ho ida ne’e, ekipa ne'ebé sei akompaña Gaspar Afonso hamutuk ema na'in-tolu, ida mak defisiensia Matan igualdade jeneru feto ida, nomós personál asisten na'in-rua. (*)