"Bankada CNRT bolu atensaun ba Ministériu Públiku, KAK, Sosiedade Sivil no media atu tau matan ba OJE 2022 ida ne’e”, dehan Patrocino iha PN, sesta (17/12).

Dadauk debate ba Proposta OJE 2022 iha faze jeneralidade, espesialidade no finál globál, deputadu 21 husi Bankada CNRT desidi vota kontra.

Tanba Bankada CNRT ho hanoin hakarak halo lós tiha propaganda falsu sira ne’ebé lansa iha Parlamentu Nasionál katak anteriórmente saldu tranzitadu to’o Millaun US$700, ida ne’e laloos tanba tuir relatóriu Konta Jerál Estadu husi tinan 2013 to’o 2020 seidauk rejista saldu tranzitadu to’o valór hanesan lansa husi deputadu bankada Governu nian. 

Durante halo diskusaun Bankada opozisaun la hetan oportunidade atu hato’o opiniaun tanba hetan sensura husi Prezidente Parlamentu ilegál no Povu Timor-Leste tomak akompaña atetude Prezidente PN halo deklarasaun ne’ebé indika kedas ba pratika ilísitu.

Iha deklarasaun Prezidente Parlamentu Nasionál Aniceto Longuinhos Guterres Lopes hatete,

Ministériu halo ona kontratu ho kompaña no aprova ona iha Konsellu Ministru no hein de’it ona Parlamentu Nasionál atu aprova orsamentu ba kontratu refere.

Bankada CNRT haree ida ne’e maka realidade ne’ebé akontese iha PN, no razaun sira ne’e maka dudu Deputadu sira halo proposta hodi hasa’e orsamentu ba Ministériu sira maske Governu determina tiha ona tetu orsamentu antes lori mai Parlamentu Nasionál. 

Mesmu nune'e, CNRT nafatin bolu atensaun ba Governu atu labele kontinua bosok povu katak Covid-19 mak impede dezenvolvimentu. 

Tanba ko’alia kona-ba situasaun Covid-19, nasaun viziñu Indonézia ne’ebé afeta maka’as no hamate ema barak maibé dezenvolvimentu fíziku iha nasaun refere kontinua la’o. (*)