Prokuradór Jerál Repúblika (PJR), José da Costa Ximenes hateten, droga ne'ebé atu destrui tan ne'e prende iha Janeiru 2020.
"Agora daudauk, ita organiza hela para halo destruisaun ba objetu droga puru ho kilograma 3.253 (Kilograma 3 pontu 253) ne'ebé informasaun formál mai husi polísia judisiáriu no Polísia Sientífika Investigasaun Kriminál (PSIK)," dehan nia, iha Palásiu Prezidensiál Bairru-Pité, Tersa (22/9).
Entretantu, objetu droga ne'ebé atu halo destruisaun ne'e prende iha 14 Janeiru 2020 ho kompletamente droga puru.
Antes ne'e, Ministériu Públiku (MP) hamutuk ho PNTL, PSIK, Alfándega, Institutu Jestaun no Ekipamentu (IJE) Bombeiru, Ambiente, Ministériu Saúde (MS) no instituisaun seluk tan, destrui ona droga tonelada 160 iha Loes-Postu Bazartete, Likisá, durante loron tolu. (*)