Keixa ne'ebé Marí Alkatiri hatama ba Ministériu Públiku (MP) hasoru CPN partidu CNRT ne'e nia konteudu mak kontra CPN partidu CNRT nian.
"Keixa ida ne'e primeira parte kontra CPN partidu CNRT nian, relasiona ho sira duun katak ha'u simu subornu husi Connocophilips," dehan Marí Alkatiri hafoin tuur iha meza entrega keixa ba Prokuradór Jerál Repúblika (PJR) José da Costa Ximenes
Entretantu tuir infirmasaun ne'ebé tempotimor.com asesu katak iha tuku 10:00 oras Timor Leste, MA aprezenta keixa ba MP, maibé iha de'it tuku 09:52 MA to'o ona iha odamatan MP nian.
Iha aprezentasaun keixa MA nian ba MP hasoru CPN partidu CNRT nian ne'e, MA uza kamiza mutin no jas metan no kalsa tixu, inklui akompaña husi MA nia maun Ahmad Alkatiri no nia advogadu na'in rua hanesan José Guterres no Arlindo Sanches.