Kazu ne'e konfrontu entre joven sira hodi rezulta ema ida mate no deskonfia hetan sona husi arguidu ho inisial FSB no AM.
Liu husi julgamentu iha Tribunal Distrital Dili (TDD), Kuarta (8/1) .
Kronolójia akontesementu, iha loron 5 fulan Jullu 2019, maizumenus tuku 02:00, iha Aldeia Akadiru Laran, Suku Sabuli, Metinaro, Postu Administrativu Kristu Rei, vitima rasik hamutuk ho nia kolega tur halimar iha merkadu laran fatin akontesimentu.
Iha momentu ne'eba arguidu AM kontaktu arguidu FSB atu mai iha area refere. La kleur mosu distubiu iha fatin ne'e no arguidu FSB sona vitima GB iha parte kabun loos no mate kedas fatin.
Konsekuensiahusi husi aktu ne'e Ministeriu Publiku akuza arguidu na'in rua ho artigu 138 Kodigu Penal Timor-Leste.
Tribunal rasik iha julgamentu atu rona mos sasin, maibe la marka prezensa tanba ne'e sei notifika fali sira.
Nune'e, julgamentu ne'e sei adia fali ba loron 27 Janeiru 2020. (*)