“Durante ne'e diskusaun sira ne'e la'o liuhusi email, liuhusi video zoom, maibé iha faze ida ne'e ita Timor-Leste ho Austrália hakarak, face to face discution”, dehan nia hafoin enkontru ho Primeiru Ministru (PM), Taur Matan Ruak iha nia rezidénsia ofisiál Faról, kuarta (02/02).
Tanba ida ne'e, Ekipa husi Autoridade Nasionál Petroleo no Minerais (ANPM) tempu badak sei aranka ba Austrália hodi diskute kona-ba dezenvolvimentu Greater Sunrise iha Austrália, tanba Governu hakarak konklui iha tinan 2022 ne'e hodi hakat ba aliñamentu konsorsiu ho Timor Gap no Osaka Gás.
“Ha'u hanoin, semana oin, ita-nia Ekipa ANPM sei desloka ba Austrália atubele halo diskusaun intensivu e ita iha prijesaun katak, até fim do ano ida ne'e hakarak, projetu diskusaun ne'e hakarak konklui e hakarak asina atu nune'e bele tama ba faze dezenvolvimentu Greater Sunrise nian, maibé antes ida ne'e tenke konsidera kuandu Estadu rua halo komunikasaun produz dokumentu sira ne'e hotu dokumentu legál tenke mós hetan aliñamentu ho konsorsiu ho Timor Gap ho mós Osaka Gás”, afirma nia.
Durante diálogu liuhusi email no video zoom ne'e la'o di'ak tebes, no iha intendimentu ne'ebé mutuo tebes ho parseiru Australianu.
“Kona-ba progressu Greater Sunrise, ita hotu hatene, ko'alia filafila no dalaruma ANPM mós ha'u hanoin ko'alia, katak progresaun sira kona-ba dialogu, ho ita-nia parseiru Viziñu Australianu ne'e la'o di'ak tebes, produtivu tebes e iha intendimentu mutuo ne'ebé di'ak tebes, e dokumentu sira ne'ebé tau iha meza diskusaun mak bolu PMC (Petroleumj Mining Code) no PSC (Production Sharing Contract) nomós leis tributarias balun ba rejime espesiál Greater Sunrise”, dehan nia.
Hafoin de rezultadu la'o loos mak foin atu rezolve kona-ba soberania rua ne'e oinsá tau hamutuk hotu hafoin diskute ho empreza sira entaun ida ne’e mak kestaun sira ne'e. (*)