"Sobre kompeténsia ka konkorénsia de kompeténsia, ne'e desde 2007 akontese sobre konkorénsia e kompeténsia, Obras Públika depois ADN e la define funsaun ida-idak ninian, ADN dehan fiskaliza mais ADN avalia projetu e aprezenta projetu tanba ne'e mak kria konflitu entre obras públika iha ADN”, dehan Marí Alkatiri iha Salaun Ministériu Finansas, Aitarak Laran,
tersa (30/11).
Nia dehan, la'ós la konkorda ho ezisténsia ADN maibé tenke define didiak servisu ADN atu nune'e hala'o nia funsaun sira ho di'ak.
Tanba nee, husu Governu nia responsabilidade sira atu halo estudu viabilidade tenke mai konsultan diresaun Givernu nian.
"Ha'u dehan hanesan ne'e tanba ikus-ikus ne'e antes Governu deside atu halo estrada ida ema balun tun ona ba halo estudu, halo nia orsamentu kedas, sá estudu mak ida ne'e?. Ita tenke hatene katak responsabilidade tomak ba estudu viabilidade Governu nian, tenke di'ak nia konsultan mak halo e diresaun é do Governu, prioridade Governu nian”, afirma nia.
Projetu programa dezenvolvimentu Governu nia tenke responde ba nesesidade tolu ne'ebé mak presiza mak hanesan, imediatu ko'alia kona-ba nesesidade bázika povu nian, garante dezenvolvimentu ne'ebé estruturante, no longu prazu ba dezenvolvimentu sira ne'e hotu.
Ho ida, Governu tenke aplika programa dezenvolvimentu ba povu nian tanba ikus mai ne'e Ministériu Obras Públika la aplika ida ne'e. (*)