"Ha'u ohin mai partisipa tomada de posse ba sira, tanba ne'e ha'u hato'o parabéns ba estrutura eleitu atu servisu di'ak liu tán iha futuru", dehan nia iha Aileu, (16/06).
Kooperativa sira mak multisetorál movimentu komunidade rurál no kréditu uniaun halibur hamutuk komunidade madabenu (CU-HHKM), kooperativa halibur laularaoan (KOHALAU) no kooperativa haforsa komunidade remexiu (HAKORE).
Nia mós ko'alia kona-ba istória kooperativa, progressu no dezafiu kooperativa nian iha Timor-Leste. Nune'e fahe mós esperiensia téknika kona-ba orgaun kooperativa nian, atu dirijente sira bele halo tuir iha futuru mai.
Ko’alia mós kona-ba valor no prinsípiu kooperativa atu membru ida-idak no dirijente sira jere di'ak liu tán iha futuru.
Alende ne’e, Country Diretora Interina Plan Internasionál, Estrela Fátima Soares hatete, sira iha programa empoderamebtu feto no foin sa'e ne’ebé hahú iha tinan 2018 ho objetivu atu hasae ekonomia asesu finansas, hasa'e feto husi ekonomia.
"Ami servisu hamutuk ho komunidade iha Aileu, agora sira di’ak ona no sira ne'e mós iha ona kapitál ne'ebé mak rihun ida resin (US$1.000), tanba ne'e ohin konvida sekretáriu estadu kooperativa hodi fó posse ba sira", nia informa. (*)
