Tuir informasaun ne’ebé www.tempotimor.com asesu iha pájina MOP, sesta (12/05) katak, iha observasaun, nota katak ponte sira normalizadu no bele fasilita ona movimentasaun komunidade liliu transporte públiku no privadu iha área refere.
Ministru Abel mós orienta DJEPPKS kontinua halo manutensaun ba estrada husi Gleno ba postu administrativu Ermera villa, nune’e bele fasilita movimentasaun komunidade nian luliu fasilita transporta materiál sensitivu Eleisaun Parlamentár nian ba sentru votasaun sira.
Nune’e agradese ba pasiénsia komunidade nian tomak no husu kontinua apoiu prosesu manutensaun estrada iha área refere tanba projetu ne’e implementa hodi fasilita ema barak, liuliu komunidade sira atu asesu ba merkadu, sentru saúde no seluk tan. (*)