"Kooperativa sira ne'ebé inklui iha federasaun hanai malu, akomoda ona miliaun US$36, entaun osan ne'e, nu'udar kapitál no membru sira mak rai hamutuk hodi halo fala atividade ekonómiku, hanesan agrikola ba ema hotu atu kuda mós hortikultura no seluk tan", dehan Sekretáriu Estadu Kooperativa (SEKOOP), Elizário Ferreira ba media iha Ainaru, tersa (13/12).
Dadaun rejistu ona kooperativa primaria hamutuk 444 ho membru rihun-94, ne’ebé kompostu husi kooperativa kreditu uniaun 127 no kooperativa produsaun 317.
Nune'e, SEKOOP sei kontinua esforsu atu ema hotu bele envolve iha setór kooperativa hodi atinji meta redusaun ba ki’ak sira no kria kampu traballu iha Timor-Leste.
"Dadaun sekretária estadu iha promosaun, liu-liu atividade haat, ne’ebé prioridade ba kooperativa produsaun hanesan promove kriasaun kooperativa agrikola, kooperativa pekuaria, kooperativa peskas no komérsiu”,
Tanba, populasaun iha Timor-Leste kuaze pursentu 70 mak agrikultór no pursentu 20 hola parte iha atividade negósiu, nune’e presiza promove atu sira kontinua produz no oferese ba merkadu. (*)