“Ohin ami konvoka enkontru ida ho Primeiru Ministru atu diskute kona-ba ami-nia ideia ka planu balun ne’ebé iha fulan hirak ba kotuk ami trasa ona, ne'ebé ami iha tensaun ida atu mai halo investimentu iha Timor-Leste liliu iha área fábrika, e ami nia fábrika ne’e kona-ba produz besi sira ne’ebé mak presiza iha Timor-Leste, liliu materiál konstrusaun uma nian, e ami halo negósiu ne’e atu hari’i fatin ne’e iha Likisá ne’ebé mak labele dook husi Airoportu Dili”, dehan George iha Rezidénsia ofisiál Primeiru Ministru, Taur Matan Ruak, Farol, tersa (02/08).
Tipu ba produsaun besi ne’e iha oin tolu ne’ebé sei halo iha Timor-Leste no provolvamente sei presiza gastus ka fundus millaun rihun tolu, no kompaña sei mai husi Austrália.
Entretantu investimentu fábrika ne'e sei envolve mós Timoroan kuaze rihun-lima-resin hodi servisu hamutuk iha fábrika refere.
“Ami konserteza sei envolve Timoroan barak ne’ebé maka sei servisu iha ami-nia kompaña, hanesan ita hotu hatene katak materiál ne’ebé mak atu produz ne’e konserteza foti husi rai liur depois mak bele uza fali iha Timor, entaun tuir aproximasaun durante tinan 5 nia laran ami sei rekruta Timoroan liu 5 mil traballadór ne’ebé sei servisu iha ami-nia Kompaña”, afirma nia.
Primeiru Ministru (PM), Taur Matan Ruak, simu ho di'ak no kontente tebes hodi bele serbisu hamutuk ho kompaaña atubele halo investimentu iha Timor-Leste. (*)