“Ohin (02/07) hamutuk ho Sekretáriu Estadu Kooperativa ita selebra loron Internasionál ba dala-atusida”, dehan Ministru Koordenadór Assuntu Ekonomia, Joaquin Amaral ba jornalista sira iha CCD, sábadu, (02/07).
Ba komemora loron Internasionál, movimentu kooperativa sira iha Timor-Leste hamutuk selebra loron refere ho atividade feira ba produtu ne’ebé produz durante ne’e.
“Selebrasaun ne'e mós hala’o atividade Feira (pameran) ba produtu sira ne’ebé sira produz e halo reflesaun kona-ba progressu movimentu kooperativa ne’ebé sira hasoru”, afirma nia.
Alende ne’e Sekretáriu Estadu Kooperativa (SEKOOP), Elizário Ferreira hatete, kooperativa iha mundu selebra loron kooperativa ho slogan kooperativa sira harii mundu ida di’ak liu.
“Ohin loron kooperativa iha mundu tomak selebra loron Internasionál ba kooperativa ho slogan “Cooperativa Construem um mundo melhor” slogan ne’e oti husi tema”, dehan nia.
Nune’e husu ba sidadaun hotu iha Timor-Leste atu fó importánsia ba atividade diversifikasaun ekonomia no ekonomia kreativa hodi asegura setór kooperativa nu’udar setór terseiru ida ne’ebé prontu kontribui ba hasa'e kontrolu nasionál Dezenvolvimentu iha rai laran.
Tanba kooperativa nia prinisipiu mak servisu ho ekipa hodi asegura benefisiu kolektivu no asegura sosiedade ida asosisadu forte iha finansilmente no forte ekonomikamente. (*)