“2022 eskola ne'e rezolve ona”, deklara Ministru Armindo, wainhira akompaña Xefe Casa Sivíl Prezidente Repúblika halo vizita ba eskola iha EBC 1,2 Cairo, tersa (17/08).
Tanba ne’e, Ministériu rasik iha ona planu ne’ebé iha tinan 2022 garante sei hahú hadia eskola balun tama iha lista Ministériu refere.
Diretór Eskola Bázika Central (EBC), Agapito da Costa ne'ebé responsavel ba EBC 1,2 Caisero, husu Prezidente Repúblika atu hadi’a edifísiu no apoiu ekipamentu sira hanesan Komputador, Biblioteka, Saneamentu no haris fatin tanba kondisaun eskola aat.
"Ami-nia rekomendasaun ba Xefe Casa Sivíl em nome Prezidente Repúblika presiza hadi’a edifísiu nomós kondisaun sira seluk hanesan Biblioteka, apoiu komputadór ho saneamentu nune'e ami ho ami-nia estudante sira bele asesu ho situasaun ne'ebé di'ak ba oin", dehan nia.
Entretantu Eskola Bázika Filiál (EBC) 1,2 Caisero ho profesór na'in-7, estudante na'in-80, iha mane 38 feto 42 ne'ebé lokaliza iha Munisípiu Ainaro, Postu Administrativu Hato-Udo, Suku Foho Ai-Lico, Aldeia Rai Merah-Lao, hola parte iha responsável husi eskola ensinu bázika sentrál Agabito da Costa suku Foho-Ailico aldeia Ailoro. (*)
