Tempo Timor - Kanal Notisia, Husi imi ba imi

Switch to desktop Register Login

UNTL Prodús Tan Rekursu Umanu 697 Featured

  • Written by 
Rate this item
(0 votes)

Universidade Nasionál Timor Lorosa’e (UNTL) prodús tán rekursu umanu hamutuk 697 husi área ualu.

Reitór UNTL, Francisco Miguel Martins hateten, termina ona estudu no fila ba sosiedade hodi ezerse funsaun tuir siénsia ne’ebé hetan ona iha kadeira universidade nian.

“Laiha estatístika ne’ebé bele hatudu sira nia servisu, maibé balun servisu ona, iha balun mós seidauk hetan servisu. Maibé ita garante katak ho sira nia kualifikasaun sira bele hetan servisu no bele mós kria kampu servisu ba sira-nia aan no ba ema seluk”, dehan Reitór UNTL iha Centro Convenção Dili (CCD), Segunda (10/12).

Iha fatin hanesan, graduadu Hendra Manafe, husi Fakuldade Medisina Siénsia Saúde, sente kontente tanba bele termina ona estudu iha UNTL no tempu ona atu serbí ba sosiedade liu husi área saúde nian.

“Atu hetan susesu la'ós buat ne’ebé fasil, tenke liuhusi dalan ne’ebé naruk, nune’e tenke estuda maka’as no servisu hamutuk ho dosente sira hodi bele termina estudu ida ne’e”, dehan nia.

Graduadu sira ne’ebé hetan graduasaun ne’e mai husi Fakuldade Edukasaun Arte no Umanidade (FEAH), Fakuldade Ekonomia no Jestaun (FEJ), Fakuldade Siénsia Sosiais (FSS), Fakuldade Direitu (FD), Fakuldade Medisina Siénsia no Saúde (FMSS), Fakuldade Filozofia (FF), Fakuldade Agrikultura (FA), Fakuldade Enjeñaria Siénsia no Teknolojia (FEST), inklui mestradu, pos-graduasaun no peskiza.

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

Website: www.tempotimor.com Email This email address is being protected from spambots. You need JavaScript enabled to view it.

@2018 - Tempo Timor. Developed by Kalohan.net

Top Desktop version