Redusaun orsamentu ba miniteriu ne'e halo liuhusi Komisaun Revizaun Orsamental (KRO) hafoin OJE 2020 hetan rejeisaun iha Parlamentu Nasional, fulan Dezembru 2019.
Ministru Ensinu Superior, Loguinhos dos Santos hateten, redusaun ne'e fo inpaktu mos ba orsamentu setor edukasaun, liu-liu ba MESSK.
Antes ne'e MESSK iha orsamentu hamutuk tokon $10.5, maibe liu husi KRO halo ona redusaun 32% ka hela tokon $7.2.
"Ita halo redusaun porvolta $3.3 milloens," dehan Ministru Lounginhos, iha Uma Fukun Parlamentu Nasional, Segunda (6/1).
Liu husi adiensia ho Deputadu Komisaun G PN, MESSK mos program prioridade relasiona ho redusaun OJE 2020 hanesan infrastruktura, reforsa kurikulum, reforsa institutu politeknika Betano, reforsa Institu Siensia Teknoligia no haree mos ba Formasaun Lian Portugues no koloka Adidu edukasaun atu bele kontrola bulseiru sira iha rai liur.
Entretantu OJE 2019 ba MESSK rasik ezukuta ona osan hamutuk 84%. (*)