“Imi labarik sira tenke lé barak, labele haree telefone (telemovel), haree tik tok sira ne'e. Tenke haree livru, leitura, kompaneiru di'ak ba ita mak livru”, dehan Horta hafoin halo enseramentu ba serimonia Feria do Livro iha palásiu prezidensial, Bairo Pite, domingu (17/07).
Dadauk Prezidénsia Repúblika inisia ideia Feria Livru ida-ne'e atu labarik estudante no sosiedade sira bele haree tanba livru ne'e sai hanesan janela ida ba mundu.
“Tanba ne'e mak halo Feria ida-ne'e bolu Janela Promotiva”, esplika Horta.
Ba Feria do Livro ne'e ensera direta husi Prezidente Repúblika, José Ramos Horta no Kay Rala Xanana Gusmão, akompaña husi Membru Governu balun nomós embaisadór husi nasaun balun iha Timor-Leste, inklui partisipa mós husi estudante no komunidade sira. (*)