Tempotimor (Dili)-Polísia Nasionál Timor-Leste (PNTL) liuhusi Komandante Departamentu Tránzitu Munisípiu Dili, Inspetór Domingos Sarmento Gama, aviza komunidade sira iha kapitál Dili, atu labele husik animal iha sidade hodi hamosu asidente.

Tempotimor (Dili)-Primeiru Ministru (PM), Taur Matan Ruak, ‘lakohi’ haree membru Polísia Nasionál Timor Leste (PNTL) Munisípiu Dili abandona Postu Tránzitu foun, maibé utiliza durante 24 oras.

"Ha'u  husu ba señór komadante PNTL Munisípiu Dili, okupa fatin ne'e 24  oras, lorloron ema iha ne'e, labele husik mamuk, kuidadu didi’ak, tanba uma hanesan ne'e mós ita-nia uma, kuandu ita la hela nia aat, naokten tama, bandidu sira tama, e estraga hotu”, dehan Taur bainhira Inaugura postu Tranzitu PNTL ne'ebé Oferese husi emprezáriu Mahoka, iha Bairopite, kuarta (13/10).

Maibé Postu hirak ne'e presiza uza no kuidadu didi’ak tanba ne'e mak sai fatin ba PNTL hodi serbí ba povu durante oras 24 nia laran. 

Tanba ne’e, bele fasilita autoridade seguransa halo kontrolu hodi reduz númeru asidente iha kapitál nasaun.

"Se ita kontinua tau matan nafatin, ajuda ita-nia oan sira sa'e motorizada kuidadu, sira ne'ebé kaer karreta la'o kuidadu, sira ne'ebé tuir estrada ba mai kuidadu para ema labele mate, ha'u hanoin ne'e susesu boot ida ba PNTL, tanba ne'e uza di'ak fatin ne'e hodi serbí povu no komúnidade”, afirma Taur.

Komadante Jerál PNTL, Komisáriu Faustino da Costa, kompremetidu no garantia sei prense postu hirak ne'e iha oras 24 nia laran.

"Fatin ne'ebé sai ona edifísiu permanente hanesan ne'e ami sei kolóka sira permanente iha ne'e durante 24 oras, ida ne'e ami garantia no klaru que ami garantia tanba sei iha ekipa seluk ne'ebé nafatin fiskaliza ba sira ne'ebé kolókadu iha ne'e”, dehan nia. (*)

Tempotimor (Dili)-Polísia Nasionál Timor-Leste (PNTL), liuhusi Komandu Munisípiu Dili, detein suspeitu ida ho naran inisiál J, tanba viola kódigu estrada hodi kondúz motorizada, la uza kapasete.

Tempotimor (Dili)-Polísia Nasionál Timor-Leste (PNTL) liuhusi Komandu Munisípiu Dili, reativa operasaun ka "cheek point" ba transporte públiku sira ne'ebé movimentu iha kapitál nasaun.

Tempotimor (Dili)-Polísia Nasionál Timor-Leste (PNTL), liuhusi Komandu Munisípiu Dili, husi Departamentu Tránzitu sunu kapasete hamutuk atus-ida-limanolu-resin (150-resin) iha lixu fatin, Suku Tibar, Postu Administrativu Bazartete, Munisípiu Likisá, tanba latuir estandarte hodi salva vida wainhira dezastre.

Tempotimor (Dili)-Maske regras tranzitu nian liu-liu kódigu estrada, Polísia Nasionál Timor-Leste (PNTL) husi Komandu Munisípiu Dili (KMD) sempre sensibiliza ba públiku liuhusi meiu komunikasaun sira, maibé kontinua motorista sira ne'ebé la obedese.