Login to your account

Username *
Password *
Remember Me

Items filtered by date: Wednesday, 02 June 2021

Tempotimor (Dili)-Ministériu Finansas (MF) aprezenta ezekusaun Orsamentu Jerál Estadu (OJE) tinan 2021 nian atinje ona pursentu ruanulu-resin-rua (22%).

Published in Politika

Tempotimor (Dili)-Primeiru Ministru (PM), Taur Matan Ruak orienta, membru governu konstitusional atu hadi'a depempeñu servisu hodi kontribui hasa'e ezekusaun no dezenvolvimentu.

Published in Politika

Tempotimor (Dili)-Xefe Estadu Maior Tenente Jeneral, Falintil-Forsa Defeza Timor-Leste (F-FDTL), Lere Anan Timur deklara, prosesu rekrutamentu ba membru F-FDTL laiha diskriminasaun ba sidadaun hotu inklui veteranus nia oan iha rai laran.

Tanba haree ba veteranus la’ó oituan, maibé veteranu dalaruma oan barak, no sira ne'ebé jerasaun patriota no sira ne'ebé hatama formuláriu ne'e la'ós na'in-10 ka 20 de'it maibé kuaze rihun 3 ou 4.

“Ami atu konsidera se mak ami-nia oan no ne'ebé mak la'ós ami-nia oan, ami konsidera hanesan de'it tanba sira-nia inan-aman no família uluk fó kontribuisaun ba funu ne'e", dehan Lere hafoin reuniaun ho Prezidente Repúblika, Francisco Guterres ‘Lú Olo’ iha palásiu prezidensiál, Bairropite, kurta (02/06).

Bainhira kandidatura sira tuir teste hamutuk rihun 3 ka 4, maibé sira balun mak passa, la'ós pasa hotu no balun dalaruma mós moras.

"Ha'u hanoin katak ita lábele hein de'it atu sai militar, mas ami opta ba jeresaun patriota ne'e tanba haree ba futuru estabilidade nasional, ami laIha diskriminasaun", haktuir nia.

Entretantu, ema ne'ebé liu iha seleksaun dokumentu hodi kontinu ba etapa teste nia hamutuk ema na’in-4200. (*)

Published in Seguransa Defesa

Tempotimor (Dili)-Diretór jerál Prestasaun Saúde, Odete da Silva Viegas hatete, fumadór iha Timor-Leste (TL) sei fó impaktu maka’as tebes ba Saúde no Ekonomia iha rai laran.

Published in Saude

Tempotimor (Dili)-Sentru Integradu Jestaun ba Krize (SIJK) iha loron kuarta (02/03) rejistu kazu rekuperadu Covid-19 hamutuk na'in-177 no kazu detetadu foun 149.

Published in Saude

Tempotimor (Dili)-Diresaun Alfándega Timor-Leste konsege rejísta importasaun tabaku hamutuk tonelada 298 mai Timor-Leste (TL) iha tinan 2020.

"Atu informa de'it katak iha dadus kona-ba importasaun tabaku iha janeiru to'o dezembru 2020 hamutuk 928, ida ne'e tabaku ne'ebé mak importadór sira importa mai liuhusi rekezitu ne'ebé mak ministériu saúde iha", informa Diretór Alfándega TL, João Ximenes hafoin partisipa iha Workshop komemora loron mundial tabaku iha Otél Novu Turízmu, Lesidere, kuarta (02/06).

Importasaun tabaku hirak ne'e, bazeia ba dekretu lei númeru 14/2016, loron 08 juñu kona-ba rejíme kontrolu tabaku nian.

"Ida ne'e katak importadór sira kumpri ona regra ida ne'e, liuhusi ministériu saúde nian. Purtantu, ita iha aumentu ba ida ne'e, kompara ho tinan rua, tinan tolu liuba, anterior. Covid mós importasaun mai nafatin", dehan nia.

Kona-ba tabaku sira ilizítiu ne'ebé tama la tuir rekezitu husi Ministériu Saúde (MS) nian, automatikamente sei koopera hamutuk ho alfándega hodi halo  prevensaun, inspesaun no prensaun ba tabaku sira ne'e.

Tanba iha tinan 2020, Alfándega halo ona inspesaun ba tabaku sira ho kilograma hamutuk rihun-rua-resin.

"Reseita ita depende ba importasaun tabaku ne'ebé mak iha, tanba ne'e normalmente ita aplika dekretu lei númeru 14/2017, ita aplika kona-ba taxa 5 pursentu, importasaun de taxa nomós taxa de venda 5 pursentu (5%), depois ita aplika mós lei tributária númeru 08/2008, ita aplika liliu kona-ba item sigaru nian ne'e, 19 dolláre kada kilo”, esplika nia.

Diretór Nasional husi Ministériu Saúde (MS), Josefina Clarinha João relata, tuir dadus mundial hatudu, kada tinan ema kuaze rihun-ualu (8) liu mak mate, tanba kauza husi fuma tabaku.

"Husi 8 millaun ne'e, 7 milliaun sira ne'ebé mak sai hanesan fumadór ativu, no milliaun 1.2 ne'ebé mak ema hirak ne'ebé ita temi ho naran fumadór passivu, ou hirak ne'ebé mak hetan sigaru ninia suar husi ema seluk ne'ebé fuma”, relata nia.

Tanba ne'e, husu ba populasaun hotu iha TL, atu hapara ona fuma tabaku hodi bele moris ho kondisaun saúde ne'ebé saudável. (*)

 

 

 

Published in Ekonomia

Tempotimor (Dili)-Governu liuhusi reuniaun Konsellu Ministru (KM) atribui ona poder ba Ministru Asuntu Parlamentár no Komunikasaun Sosial (MAPKOMS), Francisco Martins da Costa Pereira Jerónimo, hodi negoseia akordu ho governu Repúblika Populár Xina Ba projetu instalasaun televizaun dijital iha Timor-Leste (TL).

Published in Politika

Tempotimor (Dili)-Xefe Estadu Maior Tenente Jeneral  Falintil-Forsa Defeza Timor-Leste (F-FDTL), Lere Anan Timur deklara, nia parte bele sai kandidatura ba Partidu Libertasaun Populár (PLP), Frente Revolusionariu de Timor-Leste Independensia (FRETILIN) no Kmanek Haburas Timor Ona (KHUNTO) iha Eleisaun Prezidénsial tinan 2022.

Published in Politika

Tempotimor (Dili)-Governu liuhusi reuniaun Konsellu Ministru (KM) aprova ona akordu ho governu Austrália hodi fó apoia finanseira ba rekuperasaun ekonómia povu durante pandemia Covid-19.

Published in Politika
Wednesday, 02 June 2021 16:42

Governu Prepara Hamenus Fumadór iha TL

Tempotimor (Dili)-Governu liuhusi Ministériu Saúde (MS) sei buka maneira atubele hamenus númeru fumadór iha Timor-Leste (TL).

Tanba ne’e, MS realiza Workshop ho Thema "Hapara Fuma Hodi Redúz Tabaku Iha Timor-Leste no Prevene Moras Krónika La Hada'et”, hodi komemora loron mundiál tabaku ne'ebé monu iha loron 31 fulan-maiu.

Workshop ne'e, Vise Ministru Saúde (MS),  Bonifáçio ‘Maukoli’ dos Reis hatete, Organizasaun Mundial Saúde (OMS) nafatin fó apoiu ba MS hodi prepara kondisaun ba fumadó sira atu para.

"Sim, OMS protidaun nafatin ho Ministériu Saúde (MS) liliu apoiu MS atu haree iha ne'ebá, hodi estabelese Sentru Para Fuma atu ajuda ema sira ne'ebé hakarak fila karik ita bele fornese tulun ba sira oinsá atu hapara fuma”, dehan Bonifáçio iha abertura Workhsop ba komemora loron mundial Tabaku iha Otél Novu Turízmu, kuarta (02/06).

Iha mós pontu ida bolu liña komunikasaun, atubele halo konsellamentu ba parte sita halo kooperasaun ho MS, Ministériu Finansas, Ministériu Komérsiu hodi hasa'e taxa tabaku nian.

Aliende ne’e, MS halo monitorizasaun ba liña implementasaun ba kontrolu tabaku iha Timor-Leste.

Entretantu, Diretór Jerál Prestasaun Saúde, Odete da Silva Viegas esplika, dadaun ne’e prepara ona sentru hapara fuma tabaku iha sentru Saúde balun iha Kapitál Díli atinje ona pursentu 70 no hein nia implementasaun.

"MS atu kria sentru hapara fuma ne'e liuhusi prosesu infrastrutura ita kuaze atinje ona pursentu 70 ita halo iha Sentru Saúde Formoza e ita mós hanoin atu expande ba sentru Saúde Komoro no iha futuru ita mós expande ba Munisípiu sira”, dehan nia. (*)

Published in Politika
Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter