"Osan ka multa ne'ebé komandu Munisípiu Dili konsege hatama ba kofre estadu mak hamutuk rihun US$249.359 iha tinan 2021”, informa Henrique da Costa, iha Komandu Munisípiu Dili, tersa (04/01),
Alende ne'e mós iha tinan 2021, komandu Munisípiu Dili rejista asidente tráfiku hamutuk atushitu-hitunolu-resin-sia (779), ne’ebé na’in-ruanulu-resin-tolu (23) lakon vida.
"Hakarak aproveita oportunidade ne'e mós atu informa ba públiku katak, iha tinan 2021 ne'e iha komandu Munisípiu Dili ita rezista asidente tráfiku hamutuk atushitu-hitunolu-resin-sia no husi númeru 779 ne'e rezulta ema na’in-23 lakon vida (mate)”, hatete nia.
Durante tinan 2021 mós operasaun la'o, prende transporte tantu karreta ho motorizada hamutuk rihun-lima-atushaat-tolunulu-resin-haat (5.434) ne'ebé mak lori mai iha komandu Munisípiu Dili hodi prosesa no totál infrasaun hamutuk 7.444.
"Ne'ebé mak infrasaun sira ne'e maioria ita-nia motorista sira lalori dokumentu orijinál, e tuir filafali mak sira la monta sapa matrikula tantu karreta ho motorizada ninia. Totál la monta sapa matrikula motorizada no karreta nia ne'e hamutuk 1.267. Sira ne’ebé mak la uza kapasete hamutuk 771 ne'ebé okupa kuartu lugar, ida ikus liu ne'e mak sira la monta espellu, totál hirak ne'e mak infrasaun ne'ebé ita rejista iha Munisípiu Dili nia, iha tinan 2021", esplika nia. (*)
