"Sim ba PNTL de’it ita prevé osan montante millaun US$3 iha OJE 2022, ne'e atu sosa karreta kuaze 60 ba eskuadra ho unidade sira, 10 ba tránzitu, 14 ba jénder, para fahe ba diresaun sira iha munisípiu inklui departementu jéneru sira”, dehan Vise Ministru Interiór, António Armindo, iha Centro Formação da Polísia (CPF), Komoro, tersa (28/12).
Tuir planu, entre fulan-janeiru to’o Marsu 2022 bele sosa ona karreta hirak ne'e, tanba orsamentu ho montante millaun US$3 ne’e sei utiliza ba sosa duni karreta.
Aleinde ne'e Governu mós sei sosa tán, motorizada, komputadór ho printer, ba eskuadra hothotu no Unidade Patrullamentu Fronteira (UPF), iha postu sira liña fronteira. (*)
