"Sim komandu munisípiu Dili, ita simu ona diretiva operasionál ida husi komando jerál haruka ona mai ita, e ita despaixa ona ba operasaun Dili e orienta ona ba eskuadra sira, atu nune'e bele prepara ita-nia rekursu hodi garante seguransa ba rate sira, iha kada ida-idak nia área, eskuadra ida-idak ninia, atubele asegura, katak iha loron 1 no 2 novembru ne'e ita-nia Komúnidade sira bele ba vizita rate ne'e ho seguru, no klaru que ita sempre asegura”, dehan Henrique, iha Kaikoli, kuarta (20/10).

Dalaruma rekursu iha eskuadra sira la sufisiente sei orienta mós ba sira, atu nune'e husi komandu munisípiu ninia bele ajuda atubele kompleta númeru ne'ebé mak fó seguransa iha parte semitériu sira.

Aleinde ne'e mós sei informa ba iha parte tranzitu sira hodi halo pasa revista maka’as liután ba motorista sira ne’ebé lori transporte hodi kontra kódigu estrada.

“Ita mós orienta ona ba parte tránzitu ninia atu nune'e halo servisu maka’as liután, liuliu iha passa revista ninia, tanba atu tama ba loron sira hanesan ne'e ita-nia motorista sira ne'e dalaruma balun lanu, entaun passa revista ka checkpoint ne'e mak tenke hasa’e liután”, informa nia. (*)