Login to your account

Username *
Password *
Remember Me

FM Deskonfia Vise MI Politiza Vaga ba Adidu Seguransa

Diretó Ezekutivu Fundasaun Mahein (FM), João Almeida. Diretó Ezekutivu Fundasaun Mahein (FM), João Almeida. Foto Suplay

Tempotimor (Dili)-Diretó Ezekutivu Fundasaun Mahein (FM), João Almeida, deskonfia Vise Ministru Interior (MI), António Armindo, politiza vaga ba nomeasaun adidu seguransa sira hodi reprezenta Estadu Timor-Leste ba servisu iha nasaun liur.

"Iha kazu ida ne'e, liga nafatin ho seitór seguransa, en partikular servisu imigrasaun ninian, iha ne'ebé fundasaun mahein ninia monitorizasaun, identifika liliu Vise Ministru Interior kontinua halo politizasaun ba setór seguransa. Iha ne'ebé foin dadauk ministériu interior fó sai vaga sira ba adidu servisu imigrasaun nian iha rai liur, iha ne'ebé vaga sira ne'e prienxe ona iha ámbitu desizaun Vise Ministru Interior ninian", hatete João, iha kna'ar fatin Bairro Central, Gricenfor, segunda (27/09).

Tanba rekrutamentu ba adidu seguransa foun sira ne'e hala'o iha Ministériu Interior (MI) liuhusi Servisu Migrasaun (SM) nian hodi troka adidu tuan sira iha sira hanesan, Portugal, Singapura, Darwin-Austrália, no Indonézia iha Konsuladu Bali, Kupang no Atambua.

"Husi fatin hirak ne'e, Vise Ministru Interior, halo nomeiasaun ba adidu migrasaun, liliu ajente sira ne'ebé nomeia ba adidu, hanesan adidu ba migrasaun ninia, laiha kursu ruma, laiha koñesimentu e iróniku liután ema ne'ebé foun, e balu ne'ebé komete ona krime iha tinan kotuk, Ministru Interior Interinu, Filomino da Paixão de Jesus, halo ona medida sira, ou regra sira dixiplinar nian, no hasai ona husi servisu migrasaun, maibé Vise Minisru Interior, kontinua nomeia ba adidu migrasaun ninian", dehan nia.

Tanba ne’e, FM haree katak desizaun ida ne'e mosu deskonfia, intervensaun sira ne'e, hanesan intervensaun ba politika ne'ebé la afavor ba intereses komun, maibé intereses partidária, intereses pesoál ne'ebé iha nomeiasaun ida ne'e.

Nune'e, husu ba Primeiru Ministru, Taur Matan Ruak, hanesan mós Ministru Interior, altera desizaun Vise Ministru Interior, tanba nomeia ajente ne'ebé laiha esperiénsia no nomeia hikas ajente hikas ajente sira ne'ebé iha esperiénsia, durante ne'e servisu iha migrasaun.

Tanba iha despaixu númeru 62/MI/07/2020, iha loron 22 jullu 2020, kona-ba kompeténsia Vise Ministru Interior nian atu haree ba asuntu sira operasionál, administrasaun, treinamentu no despeza sira ne'ebé tama iha kompeténsia ninian. (*)

Rate this item
(1 Vote)
Last modified on Monday, 27 September 2021 15:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter