Kazu omisidiu ne'e akontese iha loron tersa (06/07), maizumenus tuku 11 kalan, iha rezidénsia  Bairu  Beto Barat, Aldeia Anin-fuik, Suku Madohi, Postu Administrativu Dom Aleixo, Munisípiu Dili.

Tuir kronolójia informasaun katak, insidente ne'e mosu, bainhira suspeitu ba bolu matebian  iha viziñu nia uma atu buka tuir sira-nia oan mane ne'ebé seidauk  seida'uk fila ba uma.

Hafoin bolu vítima to'o iha uma, mosu diskusaun entre suspeitu ho matebian, tanba  ho emosaun, ikus mai akontese suspeitu lori katana taa uluk vítima iha parte kotuk laran, hafoin lori tan tudik hodi sona iha parte kalilin, hodi rezulta vítima monu ho rán ne’ebé sulin sai barak.

Ho ida ne’e konsege transporta vítima ba Hospitál Nacional Guido Valadáres (HNGV), maibé la konsege salva vida tanba kondisaun kanek gráve.

Hafoin hakotu vítima nia vida, suspeitu AS  halai sai husi uma no seidauk entrega-an ba autoridade seguranda.

Maske nune'e, PNTL liuhusi Unidade Investigasaun Kriminal, tun ona iha terenu hodi rekolla evidénsia sira hanesan tudik no katana, inklui dada ona "police line" iha fatin akontesimentu hodi submete ba prosesu investigasaun.

Matebian dadaun ne'e nia isin rai iha Ospital Nasional Guido Valedáres (HNGV), hodi submete ba autóposia.

Entretantu, suspeitu ho vitima nu’udar fen-lae, iha oan mane na’in-ida, husi Postu Administrativu Venilale, Munisípiu Baukau. (*)